CANZONE DE NATALE
Donato Di Luca


Vuoije appeccì – ne ciele de stelle
vuoije partì – appuijete a na mazze
le tascapane – accungiuote; e pe l’acche
stà la burracce – appese a tracolle

Le stelle ze spuijève
z’appiccève,
‘mmiene a le pecrarielle,
le bastone de cregniele – na serienze
cucente de passione.

Gije de fume celestine
‘ncime a le tèttere
de matrepèrle
tra na chiazze
de neve e l’ombre
leggére de la lune.

P’arrevì solamente a la vuldate
chiù ‘ncimarielle de la zeppelate
hienne e hienne
de sònnere…

Chiù vicine
la prove de le dètere –
‘ngreielite –
‘ncime a la tastiere
- ‘na Pasturale che n’arrèsce mì
a la quarta battute,
la voce de halline che n’acchiappe
la note…
E la neva jacciate scricchielèije
sotte a le piéte.
Ze và pe cantà.

La nott’è longhe – lucente e jacciate
Cale ‘na stelle – z’appicce ‘na luce.
Vuoije partì – appuijete a ‘na mazze
puté ‘rrevì – a ne luoche luntane

Ze và pe cantà.
E’ chiù vicine de quanta ze po’ crète
la Chiese, la piazze, le Cafè
da la prima zéppele tuccuote
quanda ze èsce da la case.

Trìene,
ne nebbelare fitte,
e muntagne che n’avesse mì
credute de vedè;
‘na jacciature de ne dite
‘ncime a l’asfalte
pulite, la matine…

Une che te vuleve e ze n’è jute
pe ‘n’altra vie.

La porte de la chiese
fumechèije (‘na vocche de grotte)
pe le fluote
de la jende ‘ngecalìte,
che hale e abblatte l’uocchie
(però creca ce crete)

Le core zomb’anniente a la pedate